يلا خبر | إعلان شريهان بميزان السوشيال ميديا: الذهب لا يصدأ

بعد غياب دام 19 عامًا عادت الفنانة شريهان للشاشات من جديد، بإعلان لإحدى شركات الاتصالات المصرية، الامر الذي دفع العدد من الجماهير وخاصة على مواقع التواصل الاجتماعي للاحتفاء بـ إعلان شريهان الجديد.

واحتفى أحد المستخدمين لموقع تويتر بـ إعلان شريهان قائلاً: «نورتى الدنيا الذهب لا يصدأ».

نورتى الدنيا .الذهب لا يصدأ #شريهان

— د.﮼احمد،عصام (@DrAhmedEssam1) April 13، 2021

وكتب أحد المتابعين على فيسبوك: « إعلان شريهان بتاع فودافون مبهج جدا وعبقري بغض النظر عن جمال شعرها وخفة حركاتها عجبنى في الاعلان إنه جسد الحادثة اللي حصلتلها ومع ذلك قدرت ترجع تاني وتقف على رجلها».

متابع أخر سعى لتفسير الإعلان وكتب: «الناس اللي مفهمتش إعلان شريهان .. شريهان الجميله المبهجه بتحكي قصة حياتها بمنتهي الذكاء ف الاعلان.. ازاي ابتدت زمان وازاي حلمت وازاي نجحت.. وازاي اتعرضت ل ازمات صحيه واهمها مشكله في ضهرها وتحديدآ في العمود الفقري». وأضاف أن ذلك «ظهر ف مشهد كامل ف الاعلان وهي راكبه عربيه وبتسوق شويه وبعدها بتطير لفوق «وده رمز ل قصة الحادثه اللي حصلتلها سنة ١٩٨٩» وكانت سبب ف اصابتها بكسر في العمود الفقري كان هيكون سبب ف اصابتها بشلل».

وتابع «لكنها عملت حوالي ٣٠ عمليه كلهم اصعب من بعض.. ومرت بفتره حرجه جدآ ف حياتها.. وده اللي ظهر برضه ف الاعلان وهي ف اوضة العمليات وحواليها دكاتره.. ومن بعدها قامت ورجعت تاني زي الاول واقوي واجمل».

واختتم « اعلان شريهان رساله أمل لكل الناس المحبطين.. ودليل اننا ممكن بعد أي ازمه ومشكله نقوم تاني زي الأول واحسن».

فيما رأى عدد من المتابعين الأخرين أن الإعلان لم يأت بالمستوى المطلوب، وكتب أحد المتابعين: «جماعه الاعلان مش حلو شريهان اللي حلوه».

جماعه الاعلان مش حلو شريهان اللي حلوه

— شيكفوريا🐼 (@shekkkkkkoooooo) April 13، 2021

وعلى نفس المنوال كتبت متابعة أخرى « يا جماعة أيوة هنطبل لـ شريهان عادي على فكرة ده كفاية بس لحظة ما ظهرت ع الشاشة خطفت قلوبنا ورجعتنا لأحلى سنين عمرنا».

يا جماعة أيوة هنطبل لـ #شريهان عادي على فكرة ده كفاية بس لحظة ما ظهرت ع الشاشة خطفت قلوبنا ورجعتنا لأحلى سنين عمرنا ❤️

— 🕊بِـيـرٰٓويـنْ 𓋹 (@BerOuiiiiNn) April 13، 2021

فيما تسائل أخر: «هو فين الإبهار يا جماعة اللي ف إعلان شريهان؟، لو حد الإبهار ظاهر من عنده ياريت يوضحه للبسطاء اللي زيي».

من جانبها وقبل طرح الإعلان وجهت الفنانة شريهان رسالة لجمهورها عبر تغريدة، على حسابها على موقع «تويتر» قائلة: «وفي هذه الأيام الكريمة وهذا الشهر العظيم، عايزة أقولكم أنا متشكرة أكتر من جداً، حبتوني احترمتوني احتضنتوني وبحبكم، وبدعائكم شفيتوني ولسه بتشفوني».

وأضافت «أنا بعيش لحظة إنسانية صادقة، لحظة إنحناءة شكر من قلبي وعمري لكم جميعاً ودون ترتيب ولا إستثناء، لحظة انتظرتها كثيراً لرد جميل في رقبتي من سبتمبر ٢٠٠٢، مشاعري كلها متلخبطه لكن سعيدة».

أنا بعيش لحظة إنسانية صادقة، لحظة إنحناءة شكر من قلبي وعمري لكم جميعاً ودون ترتيب ولا إستثناء، لحظة انتظرتها كثيراً لرد جميل في رقبتي من سبتمبر ٢٠٠٢، مشاعري كلها متلخبطه لكن سعيدة…

— Sherihan (@Sherihan) April 12، 2021

وأضافت «هو العمر فيه كام ثانية ودقيقة وساعة أو شهر وعام لأعيش بكم معكم وبينكم ؟»

وتابعت «كنت بكتب، بكتب وبكتب، رسائل كتييير لا يعلمها غير ربي وأبعت لكم وأحلم بثانية إحتضاني وإنحناءة شكر لكم جميعاً، ولكن كلها كانت من طرف واحد، مكنتش عارفه ازاي اقدر اقولها لواحد واحد فيكم وبنفسي!! ولو عليا..كنت عايزه ادخل بيت بيت وزقاق زقاق وشارع شارع وحارة حارة وكل حي ومدينة وقرية».

واختتمت سلسلة تغريداتها بـ «شكراً و١٠٠ مليون إنحناءة شكر وقبلة على جبين كل واحد بدايةً من أصغر مولود ومواطن مصري وصولاً لآخر انسان في العالم.. شكراً»

شكراً و١٠٠ مليون إنحناءة شكر وقبلة على جبين كل واحد بدايةً من أصغر مولود ومواطن مصري وصولاً لآخر انسان في العالم.. شكراً

— Sherihan (@Sherihan) April 12، 2021

وتبلغ شريهان من العمر 56 عاما، وهي من مواليد 6 ديسمبر 1964، وتعتبر من أشهر الفنانات اللاتي قدمن الفوازير والأعمال الاستعراضية وغابت شريهان عن الشاشة منذ أخر أفلامها «العشق والدم» عام 2002، حيث اكتشفت إصابتها بمرض سرطان الغدد اللعابية، لكنها تعافت منه، لتعود للشاشات من جديد بإعلان شريهان الذي عرض اليوم.