يلا خبر | أول تعليق من شيماء سيف عن إلغائها متابعة زوجها كارتر: «زى ما قلقتكم كان لازم أطمنكم»

شيماء سيف تُطمئن الجمهور برسالة جديدة، بعدما تسببت في قلق مُتابعيها بعد إلغائها متابعتها لزوجها المنتج محمد كارتر.

وسجلت صفحتها الشخصية بـ«انستجرام»: «عمري ماتخيلت أن غلاوتي تكون كده عندكم كنت زعلانة وقوتوني بدعواتكم وحبكم ليا من القلب بجد ربنا يخليكم ليا أنتوا وكل أصحابي الفنانين اللي أتأكدت أنهم عيلتي التانية ربنا يديم حبكم فقلبي ودايما سند وعيلة لبعض».

تابعت: «أسفة أني كنت مابردش بس للأسف أنا مابعرفش أخلي حد يشوفني مضايقة لأنى بحس أني ضايقته معايا فبحب اختفي لحد ما أرجع زي ما كنت أضحك وأضحكم معايا والحمد لله أنا دلوقتي زى الفل وزى ما قلقتكم كان لازم أطمنكم، وكل سنة وأنتم أطيب ناس في الدنيا ورمضان كريم».

وكان زوجها «كارتر» طمأن الجمهور قبل «سيف» بتعليقه منذ ساعات: «من بعد ما عرفتك عمري في حياتي ماتخيلت حياتي من غيرك إنتي النفس اللي خارج وداخل مني إنتي الضحكة اللي بضحكها إنتي القلب اللي بعشقه الناس كلها بتتعامل على أنك مراتي وهما ميعرفوش أنك بنتي أيوة والله بنتي وحبيبتي وكل حاجة ليا في الدنيا دي، بدعي لربنا في سري بأنه يخليكي ليا عمر وحب وقرب ميعرفش البعد أبدا».