يلا خبر | ملك أحمد زاهر تبعث رسالة «فخر» بمهارة شقيقتها في التمثيل: «شوفت بعيني»

تحدثت الفنانة ملك زاهر عن قدرة شقيقتها ليلى على التمثيل، لافتة إلى أنها شعرت بالفخر بنجاحها في مسلسل «في بيتنا روبوت»، واستطاعتها تقديم شخصية مُختلفة التفاصيل في مسلسها الثاني «وادي الجن»، مؤكدة على سعادتها بموهبتها وتتمنى لها الاستمرار والمزيد من النجاح.

وقالت ملك عبر صفحتها الشخصية بـ«انستجرام»: «كنت معاكي لحظة بلحظة وإنتي بتشتغلي وتتعبي على نفسك وبتصوري مسلسلين في نفس الوقت والاتنين مايقلوش عن بعد فالتعب والمجهود، كنت شايفة بعيني قد إيه بتتعبي ومش بتنامي وبتجتهدي وبتعملي كل اللي تقدري عليه عشان تطلعي كل واحد فيهم أحسن حاجة وفعلا تعبك مارحش على الفاضي يا لولو عملتي أحلى مسلسل في الدنيا (في بيتنا روبوت) اللي مكانش في ألذ ولا أحلى منه في الدنيا».

وتابعت: «وشفناكي إنتي (سارة) اللي مشاريعها فاشلة وتافهة وملهاش في حاجة غير السوشيال ميديا تقريبا وخلتينا نصدق كل تفصيلة ونضحك على كل إفيه وحقيقي كان أحلي مسلسل في الدنيا عملتيه وطلع حلو أوي كده عشان كمان معاكي هشام وشوشو وعمرو اللي فضلوا دايما في ضهرك». واستكملت: «وعملتيلنا أكتر مسلسل مشوق في الدنيا (وادي الجن) وشفناكي وإنتي (ليال) الذكية الشاطرة اللي قادرة تحل كل المشاكل بذكاء ودايما مركزة».

وأضافت: «ولا مرة حسيت أن في شبه بين سارة وليال حقيقي بنتين مختلفين تماما مع أنك كنتي بتصوري الاثنين سوا ودي شطارتك إنتي ومجهودك وتعبك، بجد من كل قلبي فخورة بيكي وبحبك وهفضل دايما اتباهى بيكي وأقول أختي ممثلة شاطرة قوي، اللي ماتفرجش على في بيتنا روبوت أو وادي الجن فايته كتير».