يلا خبر | منة فضالي عن فقدانها الثقة في الرجال: «ناس كثير ضحكوا عليّا في الحب»

تحدثت الفنانة منة فضالي عن قيمة الحُب في حياتها، موضحة أنها لم تعد تصدق الرجال الذين يصرحون عن حُبهم لها، بعد تعرضها للخداع أكثر من مرة، وهي تفضل في المقابل الأفعال وليست كلمات الحُب اللطيفة.

وقالت «فضالي» خلال برنامج عبر قناة «هوليود الشرق»: «ماعنديش في الحب والرومانسية، أنا مقاطعاها كده أريح، الحياة بدون حُب مش أفضل لكن بيجي عليك وقت تكون عايز تأخد منها (بريك) شوية، يعني تفكر في حاجات كمان أهم، زي الشغل والبيت».

وتابعت: «كل لما الواحد بيكبر نظرته للحياة بتختلف لكن ماحدش يقدر يستغنى عن الحب والرومانسية واللي يقول عكس كده كذاب»، وحينما سُألت الفنانة عن «أكثر حاجه تشعرها بالحب؟»، أجابت: «كم ناس ضحكوا عليا في موضوع الحب دا فأنا دلوقتي ماعنديش ثقة في أي حد يقولي بحبك، فهأخد وقت كبير عشان أصدقه».

واختتمت كلماتها :«تحس أن كلمة الحب بقت عادية، وأنا مابحبش الكلام بحب الأفعال أكتر.. بحب أسمع فيروز لأنها الرومانسية بحب أعيش معاها».