يلا خبر | صاحبة أغرب قضية تمكين للشقة مناصفة مع الزوج تسرد التفاصيل(فيديو)

قالت رحاب صاحبة أغرب قصة طلاق والتي حصلت بموجبها على حكم قضائي في قضيتي نفقة وتمكين وتعيش مع طليقها في نفس المنزل إن إقدامها على رفع دعوى قضائية جاء بحكم ما وصفته بالاضطرار.

تابعت في مداخلة هاتفية عبر برنامج «كلمة أخيرة» الذي تقدمه الإعلامية لميس الحديدي على قناة «ON»، الإثنين: أن القصة حصلت لأني اضطريت أعمل كده لأني بعد الطلاق حاولت أدخل الشقة أجيب هدوم لابني اللي كان عمره شهور وقت وقوع الخلاف وكان مانعني وأغلق الشقة ومنعني أخد هدومي فإضطريت ألجأ للمحكمة عشان أعرف أدخل الشقة وأخذت الحكم ويوم التنفيذ دخلت الشقة لقيته أخد كل حاجتي وحطلي أشياء قديمة ومتهالكة، واستبدل العفش وأعطاني عفش والدته المتهالك«.

أضافت رحاب: «أخد كل حاجة وأنا عايشة معاه بالوضع ده واضطريت أني أقبل بده لأني كان لازم أتمكن من الشقة لأن عمر ابني دلوقتي ثلاث سنوات وكان عمره وقت وقوع المشكلة تسعة أشهر حتى حصلت على حكم التمكين في مايو 2019 حيث دبت الخلافات من عام 2018».

عن كيفية المعيشة، قالت: «عايشة معاه من سنتين في شقة ثلاث غرف وريسبشن ووالدته قاعدة معايا في نفس الدور وهو قاعد معاها طول اليوم وبياكل معاها وبيشرب وفي ساعات بيرجع البيت بليل ينام في غرفة المعيشة وفي أوقات بتحصل تهديدات ومضايقات منه ويقلنا سيبي الشقة إما هسبكم زي الكلاب».

يذكر أن برنامج «كلمة أخيرة» تقديم الإعلامية لميس الحديدي ويذاع من السبت إلى الثلاثاء في تمام التاسعة على شاشة «ON».