يلا خبر | سالي عبدالسلام تتصدر «جوجل».. دموعها وإلغاء زفافها يخطفان الأنظار

تصدرت الإعلامية سالي عبدالسلام، مُحرك البحث «جوجل»، عقب تحدثها بطبيعية وعفوية عن حياتها الشخصية مُعبرة عن تأثرها بعد فشل علاقتها برجل كادت تتزوجه الأيام المُقبلة، وأرجعت السبب في انتهاء قصتهما إلى أنه لم يعد أغلب الرجال باستطاعتهم تحمل المسؤولية، مُعبرة عن أنها تشعر بالحب والدعم من جمهورها، مؤكدة على أنها تجدهم نعمة رزقها الله بها لتعويضها عن مواقف مؤلمة تعيشها.

وقالت «عبدالسلام»، عبر برنامجها «قصة حقيقية»، المُذاع عبر القناة الأولى بالتلفزيون المصري: «إحنا عملنا البرنامج عشان نجبر بخاطركم بس ماكنتش أعرف ولا أتخيل أن رسايلكم وتعليقاتكم هي اللي هتجبر بخاطري وكل فريق العمل، شكرًا على ثقتكم ولأن قصصكم هي برنامجنا، أنا جيت معظم حلقات البرنامج وأنا معيطة مش مكسوفة أني بقول كنت باجي معيطة، أهلي دايمًا بيستنوا مني أني أكون قوية لكن أنا المرة دي مليت نفسي أوي».

وتابعت حول علاقاتها العاطفية: «مش هقول اختياراتي غلط لأني مابخترش ممكن ألاقيني داخله في قصة، وماخترتش إلا أن الشخص اللي أعرفه يكون مناسب وينفع زي ما الناس بتقول بختار المودة والسكينة والرحمة، مش زي ما الناس أغلبيتها بيقولوا دي بتتنك ومش عاجبها العجب بسمعها كتير».

واستطردت: «أنا الشهر دا بالذات كنت بأجي البرنامج معيطة، لأني كنت مستنية أكتب كتابي وكنت هتجوز بس الموضوع مامشيش لأن أغلبية اللي نعرفهم مابقوش قد المسؤولية ومابقوش رجالة، دايمًا بقول مذيع الاجتماع ماعندوش حصانة، أنا بطلع أحكي وأشارككم.. ويارب أنت رضتني ولك الحمد يمكن أخدت حاجات كثير أوي».

واستكملت: «شكرًا على ثقتكم وجبر خاطركم وشكرًا لأني أرجعت اشتغل في بلدي تاني، ودا كتير عليّا أوي يارب أن كل اللي حواليا بيحبوني، شكرًا لكل القائمين على البرنامج وشكرًا لأهلي.. كل لما تبقى مش قادر ساعد الناس أكتر وروح طبطب على حد».

وأختتمت الحلقة: «كل حاجه راحت مننا ماكنتش بتاعتنا، هفرح وأضحك وأرجع زي الأول لأن ماحدش يستاهل غير اللي بيحبنا بجد وأهلنا واللي قلبه علينا بجد، بشكركم لأني النهارده هنام فرحانة ومرتاحة ممكن تكوني دموعي، دموع فرح مش زعل تاني».