يلا خبر | منال سلامة: «بعمل مع أولادي زي عبدالغفور البرعي بالظبط»

سلطت ابنة الفنانة منال سلامة الضوء على طريقة تربية والدتها الصارمة لها، موضحة خلال استضافتها عبر برنامج «القاهرة اليوم»، أنها كانت تقسو عليها من أجل تدريبها على رعاية ذاتها وتحمل المسؤولية بمفردها منذ طفولتها.

من جانبها، قالت الفنانة منال سلامة، في مكالمة هاتفية مع مقدمي البرنامج الفنان إدوارد والإعلامية بثينة توكل: «أنا مبسوطة في اللي عملته فيهم.. أنا مرات أب يا جماعة، كانوا أصدقائي بيقولوا ليّا كده، بس أنا هدفي أني أربي بني آدم بيعتمد على نفسه».

وتابعت: «كان دايمًا عندي إحساس أني مش هعيش كتير، فكنت عايزه أعلمهم كل حاجه بسرعة عشان يعتمدوا على نفسهم، واعتقد الأم بيكون عندها الهاجس دا أنا هعيشلهم وأكمل معاهم؟.. اعتقد كان عندي الشعور دا بشكل مرضي شوية وكنت مزوداها حبتين، أميرة الحمدلله لما سافرت بره وبتتعلم بره كان ليها ميزانية قليلة أنا عارفة أنها ماتكفيش لكن في الأخر أنا هدفي نبيل».

فيما أكدت أميرة على أن تلك الطريقة في التربية كان لها تأثير إيجابي عليها، فيما مازحت والدتها قائلة لها: «(أمي كانت دايمًا تقولي لو كنتوا أخوات اتحاسبوا) أنا بحاسبها على النوتة دلوقتي، بقت حاجه كوميدية بينا».

في المقابل، حكت الفنانة تصرف من أميرة في طفولتها بشأن «المصاريف وقلة المال»، قائلة: «راحت جابتلي حصالتها من الأوضة وكان جواها ألف جنيه وقتها كانت 7 سنين وأخدتهم عشان أخليها تحس أنها عملت حاجه.. وأنا جبتلها الحاجه اللي كانت بتحوش عشانها».

يذكر أن الفنانة أوضحت في لقاء بالبرنامج ذاته، أنها اكتسبت أساسيات تربية الأبناء من شخصية والدها بالعمل الدرامي «لن أعيش في جلباب أبي»، وهو «عبدالغفور البرعي»، موضحة أنها تتفق مع فكرة الاعتدال في الإسراف وتعليم الأولاد كيف ينفقون المال بانضباط وحزم حتى إن كان الأهل أثرياء.

وقالت «سلامة» في البرنامج: «أنا مع عبدالغفور البرعي، لأن اللي بيجي سهل بيروح سهل، لو قدم كل اللي يملكه لأولاده هيروح بسهولة، يعني أنا بعمل مع أولادي زي عبدالغفور البرعي بالظبط». وتابعت: «يعني أنا ولادي مدارسهم أمريكية، كنت بديهم مصروف في الشهر مش مصروف زميل لهم في يومين، وعلمتهم أن زميلك أو زميلتك اللي يبص في جيبك كم دا ليس زميل».