يلا خبر | أحمد حاتم يحكي قصة صورة رفضها محيي إسماعيل: «قالي ابعد»

تحدث الفنان أحمد حاتم، عن موقف مُحرج تعرض له من قِبل الفنان محيي إسماعيل، في مهرجان الجونة السينمائي الماضي، حينما طالب الأول للثاني بالتقاط صورة تجمعهما، ويتلقى «حاتم» الرفض بجدية من «إسماعيل»، بل طالبه بالحصول على الصورة لكن بشرط أن يبتعدان عن بعضهما.

وقال «حاتم» للإعلامي مروان يونس، خلال برنامجه عبر «راديو إينرجي»، ردًا على سؤاله «هل عُمرك طلبت تتصور مع فنان في البدايات ونفضّلك؟»، ويرد الفنان: «أه في مهرجان الجونة اللي فات شوفت الفنان محيي إسماعيل، أنا بحبه وبيضحكني جدًا، وغالبًا هو مش هيبقى عارفني».

وتابع: «روحت قلت له عايز أتصور معاك، قالي: لأ، قلت له: أعمل نفسك عارفني واحنا بنتصور، قالي: أبعد، مكانش بيهزر هو له طريقة خطيرة، وبعدها قالي: يلا بس أبعد شوية، تصدق أنا منزلتهاش وكان باين في الصورة أنه مش مهتم خالص ومش باصص أصلا وأنا اللي بضحك».