يلا خبر | سماح أنور عن ابنها أدهم ولماذا كان يشك في أمومتها له: «عملت فيه مقلب»

تحدثت الفنانة سماح أنور عن ابنها الوحيد أدهم، كاشفة أسباب إخفائها اسم ابنها عن الأضواء لسنوات، موضحة أنها حاولت إرضاء والديها اللذان كانا يخشيان على مستقبلها الفني، لذا دفعاها للصمت الإعلامي والامتناع عن التصريح بأي معلومات حول ابنها، لكن فجأة تقرر إعلان السر في برنامج تلفزيوني مع الإعلامي محمود سعد.

وقالت الفنانة في برنامج «Its Show time»، الذي يذاع عبر قناة «CBC»: «الحكاية مابحبش اتكلم فيها في العلن وبشوف التجارة بيها خسة مش بشوفها مجدعة ولأنها تخص أدهم.. عملت مقلب فيه وانكرت وجود أدهم وقتها عشان أرضي أبويا وأمي، الأنا بتاعتي كانت عالية الفترة دي كمان، لحد لما كبر في المدرسة وبقوا يقولوا له لأ مش مامتك».

وتابعت: «كنت طالعه في حلقة مع محمود سعد، وفيها النجم بيقول سر عمره ما قاله قبل كده، معرفش ليه قولت كده بس حسيت أني تعبت ومش قادرة، قلت له السر اللي عايزه أعلنه لأول مرة أنه أدهم ابني فعلا مش متبنياه، أدهم كان عارف قبلها أنه ابني لكن لأن الناس بتقول حاجه وأنا حاجه كان متلغبط، والموقف اتغير تمامًا بعدها».

فيما تحدثت عن أسباب إخفائها زواجها الوحيد من والد أدهم: «اتجوزت مرة واحدة وماكنش كبير عني أوي في السن وكانت علاقة استلطاف».استكملت: «كان بيحبني أكتر، كان فيه صداقة نادرة، هو كان من أصدقائي النادرين الله يرحمه، دايمًا بحب رجاله أكبر مني في السن، الناس اللي بتقول فرق السن بيدمر العلاقات مش حقيقي».

تابعت: «خبيت الجواز بينا فترة بناء على رغبة أبويا وأمي كانوا شايفين العلاقة مش مستقرة وكنت ناجحة أوي وقتها وكانوا قلقانين أنه دا يعطلني، مقعدناش متجوزين كتير، وأنا عرفت خيانته ليّا مش بعيني بس نمشيها كده واكتشفت عشان ولاد الحلال كتير والحقيقة أنا ماوجهتوش ومشيت.. أنا كنت عارفه الستات بيحسوا مش محتاجين ندور في الموبايل».