يلا خبر | ريهام سعيد تنشر صورة من طفولتها: «اتربينا على حسن معاملة الحيوانات»

نشرت الإعلامية ريهام سعيد، صورة لها على موقع «انستجرام»، وهي في سن الطفولة بصحبة والدها وتحمل طائرا.

يأتي ذلك ردا من الإعلامية بعد تعرضها للهجوم والنقد بسبب حلقة «صيد الثعالب» في برنامج «صبايا الخير».

وعلقت «سعيد»: «الصورة دي من 35 سنة في إنجلترا، إحنا أتربينا على حسن معاملة الحيوانات والبشر، أبويا وأمي للأسف ربوني أنا وأختي على الرحمة والطيبة والأدب وبقول للأسف لأن أنا وأختي ياما اتعرضنا ووقعنا في مشاكل بسبب الطيبة والأدب والجدعنة، سكت كتير بس مش قادرة طبيعي لما تكون حد مشهور أنك تتعرض للانتقاد أو تتفهم غلط لأن محدش يعرفك شخصيًا وطبيعي أنك تعتذر لجمهورك لأن هو اللي عملك وفضله عليك بعد ربنا حتي لو مش غلطان».

وتابعت: «الصادم في الموضوع الناس اللي تعرفني وبيتي وأهلي وتربيتي وشخصيتي وأصحابي وقرايبي والزملاء، على سبيل المثال في ست بيني وبينها مش هأقول صداقة لكن على الأقل معرفة وعيش وملح من أكتر من عشرين سنة الست دي حطت بوست تهاجمني في أزمه حلقة الحيوانات البرية مع أنها كان ممكن تكلمني في التليفون تعاتبني أو حتي تشتمني لو شايفاني غلطانه البوست بيتحط من الغريب عشان يوصل صوته أو عشان يضرني إنتي حطيتي بوست ليه؟ إنتي والزملاء اللي تعرفني شخصيًا».

واستكملت: «الست دي بتقول أن روح التعلب هاتختصمني يوم القيامة مع أن التعلب مماتش ولا حصل له حاجه.. الست دي عارفة أني تقريبًا بقالي 4 سنين مش بشتغل وشافتني بعد ٥٠ يوم سجن وأنا مهلهلة وبحاول أقف على رجلي، الست دي عارفة أن عندي مسؤوليات مادية رهيبة وتعرف أن البيت اللي حوشت عشانه 15 سنة من شغلي رجعته الشركة اللي هي بتشتغل فيها عشان معرفتش أكمل أقساطه، أيوة أهلي ميسورين الحال لكن أنا بحب اعتمد على نفسي».

وأضافت: «الست دي تعرف أني بعد سنة وقف يستجمع كل قوتي عشان أقف على رجلي المرة العاشرة عشان ماضيعش 18 سنة أتبنى من خلالهم كيان وعارفة قد إيه اتظلمت وقد ايه بحب الناس والخير وعملت ايه في حياتي وضحيت بايه عشان أسعد غيري، الست دي صعب عليها التعلب في صورة مفبركة ومصعبش عليها ولادي اللي تعرفهم كويس لو شغلي وقف أو حتى شافوا البوست، صعب عليها التعلب اللي أنا متاكدة أنه لو عض بنتها هتقتله».

يذكر أن «سعيد» تم إعادة برنامجها بعد إعلان لجنة الشكاوى بالمجلس الأعلى لتنظيم الإعلام، منذ حوالي أسبوعين، أنه لا مانع لدى المجلس من إعادة بث البرنامج، وذلك في ضوء التعهد المقدم من مقدمة البرنامج بالاعتذار للجمهور في أولى حلقاته بعد إعادة البث عن ما تم التحقيق بشأنه، ويشرط إنهاء أي موضوعات متعلقة بنقابة الإعلاميين. وكان المجلس بحث الشكاوى المقدمة ضد برنامج «صبايا الخير» المعروض على قناة «النهار» في ضوء ما ورد بالحلقة الخاصة بصيد الثعالب.