اهلا بك عزيزى الزائر فى موقع يلا خبر الآن نقدم لك هذا الخبر من قسم منوعات نرجو ان ينال اعجابك.. والأن مع الخبر
2020-11-24 22:43:48
قاعة طعام بأحد الفنادق الساحلية، تكتظ بألوان البشر والطعام، رجال ونساء من مختلف الأعمار، وأطفال يجرون ويحملون الطعام ويأكلون فى صخب، على إحدى الطاولات تجلس سيدة ممتلئة الجسم، فى نهاية الثلاثينيات من عمرها، تأكل بشراهة، بينما تدور عيناها بحثًا عن موضع اللقمة التالية، يقترب منها زوجها،
– صباح الخير يا طن.
– على فكرة لو قلت لى طن مرة ثانية مش ها يحصل طيب.
– حبيبتى بضحك معاكى.. هايدى مداعبة.
– يا سلام؟.. قولى يا غزال.
– غزال ومعزة و..
– تانى؟.. تريقة تانى؟
– حبيبتى أبدًا.. صدقينى.. بصى للمعزة والغزالة.. رشاقة.. جمال.. الفرق موجود فى دماغ الناس، إن المعزة وحشة والغزال حلو، مع إن الاثنين حيوانات
– نهايته.. ناولنى طبق الحلويات ده..
– طن؟.. افطرى أول!
– مش شغلك!
– حاضر.. اتفضلى.
( تأكل بنهم)… انت عارف إيه أحلى حاجة فى الدنيا.
– الحمد لله فيه حاجات كتير.
(تتحدث وفمها ممتلئ بالطعام) بطل فلسفة.
– حاضر.
– يعنى ما جاوبتش؟
– أكيد انت يا حبيبتى
– شكرًا
– عمرى ما أنسى أول ما اتقابلنا ف..
(تضرب بيدها على الطاولة وفمها منتفخ بالطعام وتقاطعه)، بقولك إيه، شوف حكاية تانية، مش كل مرة تسمعنى الحكاية دى، وتعيد وتزيد إنى كنت زى عود البوص، فراشة وخفيفة الحركة، بطل تلقيح كلام، إيه يعنى زدت كام كيلو، ده طبيعى بعد الجواز والخلفة، ولا كنت متجوز مانيكان؟
– أبدًا يا حبيبتى، مش قصدى، أنا نفسى وزنى زاد، كنت 75 كيلو بقيت 82، انت كنت 69 كيلو، زادوا واحد قبل الستة!!
– أرخم زوج فى الدنيا، (بصوت استعطاف) بتحاسبنى ع الأكل اللى انت بتشتريه، خلاص أدفع لك تمنه.
– أنا بس خايف عليكى.
– ليه، بقيت وحشة؟
– مش قصدى، أنا خايف على صحتك.
– وأنا خايفة على نفسيتى، لما باكل بكون سعيدة جدًا، تكره أكون سعيدة؟
– أبدًا، بس فيه حاجات تانية مع الأكل بتكون مصدر للسعادة!
(تقول بهيام ويدها تقبض على قطعة فطير مشلتت غارقة فى العسل النحل)، مش زى الأكل، الأكل حاجة تانية، بص للفطيرة دى وهى غرقانة فى العسل، داخلة بقى تزغرط.
– طيب، كلى والعبى رياضة، أو بلاش الأكل اللى مليان سعرات.
(تقول بمسكنة) قصدك أكل العيانين؟
– لأ، كلى من كل حاجة، بس كميات قليلة، واتمشى شوية أو روحى الجيم.
– حاضر أوعدك
– أيوه كده. تسلمى يا..
(بغضب) هه
– يا غزال
– ……..
■ ■ ■
تراك أخضر حول ملعب كرة قدم، يتمشى عليه بعض الرجال والنساء، والبعض يجرى فى همة.
– إيه اللى بتعمليه ده يا طن؟
– (بتريقة) بتمشى، بلعب رياضة عشان أخس.
– طن حرام عليكى، انت مالية شنطتك ساندويتشات وحلويات وعمالة تاكلى وانت ماشية، لأ. كده حرام.
– علشان احرق كويس!!
– انت حرقتى دمى، حرام عليكى، بلاها رياضة!!
– أديك انت اللى طلبت. أروح المطعم بقه علشان آكل لقمة. حاسة إنى هفتانة!!
—————————————-
إذا نال الخبر إعجابكم فشاركه مع اصدقائك لتعم الفائدة ولكى تدعمنا لنستمر
اذا كان لديكم مقترح فلا تنسى ان تتركة لنا فى تعليق
مصدر الخبر
