يلا خبر | «الفول والطعمية»..أدوات فاطمة لرسم شخصيات كارتونية للأطفال (صور)

«بكار، بسيط، سبونج بوب»، جميعها شخصيات كارتونية، يحبها الأطفال، يتعلقون بها، وأحيانًا يقتدون بها، لذلك قررت فاطمة أن تجسد تلك الشخصيات في أكلاتها وكأنها لوحة فنية وليست وجبة «بسلة وأرز»، حتى ينجذب الأطفال للأكل، ومن هنا بدأ مشروعها غير الهادف للربح.

رسومات فاطمة بالطعام

فاطمة عرفة، 23 سنة، هندسة طبية، جامعة المنصورة، تقيم في المحلة، تعشق الرسم من صغرها، ومنذ فترة قليلة بدأت تتقن الرسم بالأكل، ثم تطور الموضوع عندها وأسست قناة على «اليوتيوب» وصفحة على موقع التواصل الاجتماعى «فيسبوك»، تعرض فيها لوحاتها بالأكل، وتعلم الأمهات طريقة عمل شخصيات كارتونية بالطعام لأولادهن لجذب الصغار للأكل، حتى أصبح عندها جمهور عريض نسبيًا.

رسومات فاطمة بالطعام

وقالت فاطمة: «الحكاية بدأت معايا من زمان شوية، كنت بحب الرسم، وبدأت أجرب إنى أرسم بالأكل، وأختى الكبيرة كمان عندها نفس الهواية وكانت بتعلمنى، وواحدة واحدة أتقنت الموضوع».

وأضافت: «الناس بتنجذب أكثر لأنه نوع جديد من الفن مش مُتعارف عليه، يبدو أنه سهل لكنه محتاج وقت وتفكير وتدريب كتير».

رسومات فاطمة بالطعام

وأكملت: «فى الأول كنت بشوف الشخصية اللى هرسمها، وأختار الأكل على حسب الألوان اللى في الشخصية حتى لو الأكل مش لايق مع بعض، دلوقتى عكست.. بقيت بشوف عاملين أكل إيه النهارده وبنسق على أساسه».

تتعرض فاطمة لكثير من الانتقادات بسبب تركيزها في الرسم، والبعد عن مجال الهندسة: «أنا ماسبتش الهندسة، وده شىء بجانبه، بالعكس أنا بحب الرسم بالأكل جدا ونفسى أحترفه وأوسع النوع ده من الأكل، وشايفة مستقبلى فيه كمان، ولكن الناس مش فاهمة ده وبتعرض لتعليقات سلبية ومحبطة كتير».

رسومات فاطمة بالطعام

تنسى فاطمة تلك التعليقات، بمجرد تواصل الأمهات والأطفال معها لشكرها: «فى ناس كتير بيكلمونى ويشكرونى وبيقولولى إن أولادهم بقوا ياكلوا بعد ما جربوا الطريقة دى معاهم»، وأضافت: «أنا مش هبيع الأكل ده، أنا فقط بعلم الناس بدون مقابل وبحب».

رسومات فاطمة بالطعام

رسومات فاطمة بالطعام

رسومات فاطمة بالطعام

رسومات فاطمة بالطعام

رسومات فاطمة بالطعام

رسومات فاطمة بالطعام

رسومات فاطمة بالطعام