يلا خبر | بالفيديو

علق الإعلامي عمرو أديب على تخصيص شركة مصر للطيران طائرة خاصة لنقل المنتخب الوطني لكرة القدم إلى روسيا للمشاركة في مونديال 2018 المقرر إقامته يونيو المقبل.

فعبر أديب خلال برنامج “كل يوم” المذاع على قناة “ON E” عن إعجابه بالأمر قائلًا “دخلنا في حلم كأس العالم، وبدأنا نسأل ياترى رونالدو هيعمل ايه في صلاح، ولا صلاح هيعمل ايه في رونالدو، مصريين كتير هيسافروا سويسرا، مش عايز حد يزعل لو اتغلبنا من اليونان ولا البرتغال في المباريات الجاية، إحنا عايزين نجرب الاحتكاك بمنتخبات كبيرة، عشان نعرف اللعب الأجنبي ده هيكون إزاي”.

وأضاف أديب قائلًا “والله يا ولاد جه يوم وبقى عندنا طيارة للمنتخب، وعشان محدش يجري وينتقد، دي مش طيارة البلد شرياها خصيصًا للمنتخب، دي طائرة طالعة عشان كأس العالم، وبعد كده أي حد تاني هيركبها، هيبدأو يقولوا هو احنا لاقين ناكل رايحين تجيبوا طيارة مخصوص”.

ويذكر أن المنتخب الوطني أدى تدريبه في السابعة من مساء أمس الأثنين الموافق 19 مارس باستاد القاهرة الدولي، قبل سفره إلى سويسرا في العاشرة من صباح اليوم الثلاثاء الموافق 20 مارس بطائرة خاصة للدخول في معسكر هناك.

ويستمر معسكر المنتخب الوطني في سويسرا حتى 28 مارس الحالي، ويتخلله المباراتان الوديتان الدوليتان أمام البرتغال يوم 23 واليونان يوم 27، في إطار الاستعدادت لكأس العالم 2018 بروسيا.

شاهد الفيديو..