يلا خبر | كتبت مؤخر 200 ألف جنيه بس.. ومالبستش أبيض ولا عملت فرح ولا خطوبة ولا أي حاجة

حلت الفنانة الشابة منة عرفة، ضيفة على الإعلامية داليا فؤاد، مقدمة برنامج “ضرب نار” الذي يعرض خلال شهر رمضان الجاري، عبر قناة “القاهرة والناس”.

وتحدثت منة، خلال الحلقة عن زواجها من محمود المهدي، وانفصالهما لأكثر من مرة، وكواليس الفترة الماضية والضغط النفسي الذي تعرضت له.

وردًا على سؤال “كتبتي مؤخر كام على محمود؟”، قالت: “ده أنا غلبانة مؤخري حاجة بسيطة والله بالنسبة للأرقام اللي الواحد بيسمعها يعني.. 200 ألف مش حاجة يعني مش قصدي إن هو مش حاجة لأ طبعًا وماكانش فارق معايا”.

وعن عدم إقامتها لحفل زفاف، قالت منة: “كل ما نيجي نعمل فرح يحصل حاجة والله ما أعرف إيه ده.. مالبستش فعلًا أبيض ولا عملت فرح ولا عملت خطوبة ولا عملت أي حاجة م الحاجات دي هقولك ليه.. إحنا أول ما أتجوزنا أو أول يعني ما قررنا إن إحنا خلاص نكتب الكتاب وكده كنا مقررين إن إحنا نعمل كتب كتاب حاجة كده خفيفة للأسرة والأصحاب وكده بس في البيت وبعدين هنعمل بعد كده فرح إن شاء الله”.

وأضافت: “أنا أساسًا مش مع إن أنا أعمل فرح كبير ضخم بس ألبس أبيض من حقي يعني أفرح جينا عملنا.. كتب الكتاب وأنا أصلًا في الأول ما أعلنتش أنا متجوزة مين بعدين أتعرف وبتاع وأنا أصلًا فاشلة في إن أنا أخبي حاجة بعد كده ابتدينا بقى إيه كل شوية نيجي كل ما نيجي نحجز القاعة أو كده يحصل مشكلة بيني أنا ومحمود يحصل حوار يحصل أي حاجة فالموضوع قعدنا نأجل فيه لحد شكله مش هيحصل.. بس إن شاء الله لو لينا نصيب مع بعض هنعمل فرح”.

وتابعت: “أكيد أنا نفسي أعمل فرح ونفسي أفرح وألبس فستان والكلام ده كله بس إحنا دلوقتي فعلًا فيه حاجات تانية يعني أهم من إن إحنا هنرجع ولّا مش هنرجع إحنا فعلًا في حوارات ما بينا يعني أكبر من ده دلوقتي”.