يلا خبر | مها أحمد عن أحمد السقا: غلطة عمري إني روحت معاه الجيم «فلاش باك» – فن وثقافة

أثارت الفنانة مها أحمد، في الآونة الأخيرة، حالة من الجدل على حسابها الشخصي بموقع التواصل الاجتماعي «فيسبوك»، عقب هجومها على النجمين أحمد السقا وأمير كرارة، على الرغم من الصداقة القريبة بينها وبين السقا.

وكانت مها أشارت في لقاء تلفزيوني لها، إلى أن أحمد السقا ساعدها كثيرًا في الريجيم الذي خضعت له.

مها أحمد عن أحمد السقا: غلطة عمري

وظهرت «مها» سابقًا في برنامج «قهوة أشرف»، والذي يقدمه الفنان أشرف عبد الباقي عبر شاشة قناة الحياة، وتحدثت عن رحلتها مع خسارة الوزن، قائلة: «أنا طول عمرى بعمل ريجيم بس كله يوم فري، بس مؤخرا كنت هعمل برنامج وبعدين اتأخر أوى أنه يتعمل، وأنا كنت تخينة فقولت ليه معملش بلوف وأعمل دايت جامد، ولما أبدأ البرنامج أفاجئ الجمهور».

وتابعت: «بالفعل أخذت أدوية حرق جامدة جدًا وعملت رياضة جامد جدًا وحرمت نفسي من كل حاجة لدرجة إني دخلت المستشفى».

وأوضحت: «غلطت غلطة عمري إن السقا خدني الجيم، انت عارف السقا بقيت واقفة جنبه على المشاية يدوس يزود السرعة وكرهني في الجيم».

واستطردت: «ابتديت أخس ولقيت نفسي هبتدى أكل تاني، روحت عملت بلونة المعدة لأن دي أسهل حاجة في الحياة وبسيطة علشان بس أحافظ وتعبت شوية، ودلوقتى بقي عندى هسهس».

خلاف مها أحمد مع أحمد السقا وأمير كرارة

وكانت فاجأت الفنانة مها أحمد، الجميع بمنشور لها عبر «إنستجرام» تهاجم فيه الفنانين أمير كرارة وأحمد السقا.

وكتبت الفنانة مها أحمد في منشورها: «عوضي على الله، دى الجملة اللى دايما بقولها لما اتصدم في أشخاص، الحكاية يا سادة نجمين عملوا مسلسل واتنجمت عليهم بنوتة لسه ألف باء تمثيل، واديتهم على قفاهم وركبت عليهم، إلى أن أصبحت بطلة المسلسل وبطلة الدعاية للمسلسل، وهما راضيين رغم إن طول عمرهم مبيعملوش كده مع أي زميلة لهم أقربها أنا».

وأضافت: «النجم الأولاني بينى وبينه عيش وملح وزمالة، رشحت في مسلسل بطولته وكان بيقنعني بدور ولما وافقت بعتولي دور تاني معرفوش، دور متعملوش واحدة مبتدئة، المفروض أنه عارف قيمتى الفنية وعارف إنى إضافة له، اتهرب مني وموقفش جنبى وباعني رغم إن الكل عارف إنى زي أخته.. ندل».

وتابعت : «التانى كان في بداياته يتمنى يسلم عليا ويقولى يا أستاذة، نزلت من نفسى وقلتله مش هنشتغل مع بعض ما هى الحوجة مرة، رد وقالى الدور بينادي صاحبه طبعا محكلكوش قد إيه ندمت نفسى وعشت أسود أيام حياتى عياط واكتئاب وقلت عوضى عليك يارب».

وواصلت: «تمر الأيام والاتنين يعملوا ويتجمعوا مع بعض في مسلسل واحد «على عينهم طبعا» ويمثلوا وحش قوى تمثيل الكفار وطلعوا كمان مبيقروش اللى بيمثلوه وربنا يركب عليهم بنوتة سنة أولى تمثيل وخبرة، ويتحول المسلسل والدعاية الدراما كاملة لصالحها وهما مخدماتية للأستاذة».

واختتمت مها أحمد منشورها المثير للجدل: «يمهل ولا يهمل، ابدأوا من جديد يا أوفر تمثيل ياللى مبتقروش يا كمبارس جنب النجمة».