يلا خبر | 8 تصريحات عن علاقة إلهام شاهين ووالدها: كان عايزني أدخل جامعة الأزهر – فن وثقافة

علاقة مضطربة ربطت الفنانة إلهام شاهين بوالدها الراحل، حيث اعترض والدها على دخولها الوسط الفني نظرًا لكونهم من عائلة كبيرة بإحدى قرى محافظة القليوبية وتحديدًا قرية «العمار» ورفض والدها مرارًا دخولها الوسط الفني حتى أنه لقى وجه ربه وهو غاضب عليها بسبب التمثيل.

العلاقة المضطربة بين إلهام شاهين ووالدها، نرصدها لكم في تصريحاتها مع الإعلامية وفاء الكيلاني في برنامج «السيرة» المذاع عبر فضائية «dmc»، كما يلي:

1- أنا درست في مدارس بنات في ابتدائي واعدادي وثانوي وكان عايزني أدخل جامعة الأزهر تحديدا كلية اللغات والترجمة عشان كلية فيها بنات بس وكان بيحافظ عليا وكنت أول فرحته، وكان بيغير عليا أوي.

2-«بابا قالي أنتي هتدخلي وسط أسود ونمور، وأنتي عصفورة، ومفيش عندنا حد من العيلة من الوسط الفني».

3-«أمي لأول مرة تبات بره البيت كان معايا في اسكندرية وده كان حدث كبير، وبعديها كرهنا وبعد فترة وبقي ليه بيت تاني عيلة تانية، ومرجعش يعيش معانا في البيت».

4-«كان نفسي يقولي أنه مسامحني قبل ما يموت».

5-«روحت أزوره في بيته التاني وكان محضر نفسه للمواجهة، فوجئت أنه اتفرج على كل أعمالي، وجالي حالة ذهول وحسيته عدوي، وكان شريط فيديو مش معقول فيه شوت رقص وشوت لابسة فيه قميص نوم مفتوح وشوت فيه حد حاضني، وكان عايز يحرجني جدا، ويقولي إنه كان صح، وإني كنت غلط، وأنا متحرجتش، لأني فنانة وفاهمة اللي بعمله واتضيقت منه جدا وقالي أنا مكسوف لك ومشيت ومزرتوش بعدها بس أنا كان نفسي يقولي إنه مسامحني قبل ما يموت».

6-«بابا كان مدلع البنات وكان عنيف مع الصبيان وعمري ما افتكر أني عملت حاجة غلط واتضرب من بابا أو اتشتم، وفيه مدرسة ضربتني ولما قولتله قالي أضربيها، ولو بابا جه المدرسة هيضربك، وعمري ما حسيت بالذنب أن بابا انفصل عن ماما بسببي».

7-«متوجعتش غير لما بابا مات، لأنه الصبح كان زعلان مني علشان أكلته غصب عنه».

8-وجهت رسالة لوالدها بعد رحيلة: «كان نفسي أقولك أني بحبك لأني فعلا بحبك، وأغلب جيناتي طالعه لوالدي سيد شاهين، وكنت أتمني أنك تكون راضي عنك بس مش هشحتها».