يلا خبر | عمرو أديب: كنا نعيش في فوضى عقارية.. محدش عارف راسه من رجليه – مصر

قال الإعلامي عمرو أديب، إن المواطنين أمامهم فرصة جيدة للغاية خلال العامين المقبلين على تسجيل وحداتهم السكنية في الشهر العقاري، «لازم تبقى آمن ومطمئن، محدش ييجي وسط القرارات السهلة والميسرة ماليا بشكل جيد يقولك متسجلش، أنا لو عندي شقة دلوقتي، أروح أسجلها في الفترة دي، خلال السنتين دول».

وأضاف «أديب»، خلال تقديمه برنامج «الحكاية»، على شاشة «mbc مصر»، «لما تسجل الشقة بتاعتك هتبقى آمن ومطمئن، ممكن تروح تعمل فيها رهن عقاري وتأخذ قرشين تفتح بيهم مشروع صغير لعيالك، وتوصل مرافقك وتبقى سعيد، كل ده يبقى موجود في ظرف سنتين فيه إجراءات ميسرة للغاية».

وتساءل الإعلامي: «هل المنظومة العقارية اللي موجودة في مصر منظومة جيدة؟»، مضيفًا: «هل الشيء اللي إحنا بنتعامل معاه دلوقتي في ازاي نسجل شقة أو ازاي نعمل تراخيص بناء كل الحاجات اللي ورثينها من أيام الخديوي توفيق هل ده شيء جيد؟ هل فيه حد في الدنيا عامل كده، هل حد ممكن يكمل بيها، هل أنت سعيد بالفوضى العقارية دي؟».

وتابع: «إحنا مش عارفين راسنا من رجلينا، لا عارف البيت مستجل ولا لا، ولا العقار فيه مخالفة ولا لا، هعرف أورث الشقة لابني ولا لا، انت مبسوط كده، الإجابة لا طبعا، يجب أن يحدث النظام، فيه واحد جه قرر وقال ما  تيجوا نشوف الحكاية دي، لما تروح بريطانيا ولا أمريكا، وعاوز تعرف أي عقار بتاع مين بتعرف في دقائق».