يلا خبر | “كنت بنزل الكمامة علشان اتكلم مع الناس ومش هعمل كده تاني”

قال اللواء محمد الشريف، محافظ الأسكندرية، إنه لم يكن حريصًا بما فيه الكفاية أثناء نزوله للشارع كل يوم، وبعد التحاليل وجد أن فيروس كورونا قد ملأ الرئتين، مضيفًا “كنت بنزل الكمامة علشان اتكلم مع الناس ومش هعمل كده تاني، والمواطنين لابد أن يتعاملوا مع الفيروس بحذر وليس كالانفلونزا العادية”.

تابع “الشريف” في مداخلة هاتفية عبر برنامج “كلمة أخيرة”، الذي تقدمه الإعلامية لميس الحديدي على شاشة“ON” : “حزين على المواطن السكندري لما تابعته بفيديو ستنالى، ولو كنت موجود يومها في المكتب كنت منعت وجود حالة الزحام دى زي ما عملنا السنة اللي فاتت”.

واصل الشريف: “النهاردة مش حابب أتكلم كمحافظ، لكن كأحد المواطنين الذين أصابهم فيروس كورونا،  وإصابة ليست سهلة بل شديدة”، مضيفًا: “عاوز أقول للمواطنين إن تجربتي مع كورونا صعبة مش سهلة، خاصة أن الإصابة تؤدي  لتدهور الحالة الصحية للإنسان مع ضعف التنفس، وبيبقى صعب أوي مش زي الإنفلونزا خالص الموضوع مش سهل”.

وأردف: “رسالتي لغير الملتزمين، الأمر شديد الخطورة وكل واحد يخلي باله من نفسه، أنا كمحافظ وأثناء عملي ومباشرتي للأمور بشكل ميداني، مكنتش حريص بشكل زيادة عن اللزوم، أحياناً كنت بقلع الكمامه عشان أكلم الناس وأرجع ألبسها تاني  والكلام ده مش هكرره تاني، لأني شفت المرض وعانيت منه أوي”.

وأكد المحافظ، أن أي مكاسب مادية لا تساوي شيئاً أمام صحة المواطن، قائلا: “الناس والأسر المتزاحمة والشباب في كارفور أو ستانلي، مشهد مؤسف، الشباب كان فرحان فرحة زائفة بيضحك على نفسه لأنه أول ما يصاب مش هيعرف يتنفس وهيصيب أسرته”.