اهلا بك عزيزى الزائر فى موقع يلا خبر الآن نقدم لك هذا الخبر الخاص بدولة مصر نرجو ان ينال اعجابك.. والأن مع الخبر
1970-01-01 00:00:00
نشرت السفيرة نبيلة مكرم، وزيرة الهجرة، فيديو لـ1700 طالب عالقين على الحدود المصرية السودانية.
وكتبت نبيلة مكرم عبر حسابها الشخصي على “فيس بوك”: 1700 طالب عالقين على الحدود المصرية السودانية، بقالنا يومين فى شغل صبح وليل على معبر قرسطل، كله بيشتغل بس لازم كمان نتاكد من سلامتهم، وضبطنا مع وزارة الصحة يجيولنا على المعبر يحللوا للأولاد..ده بياخد وقت…والأولاد جعانة وعطشانة وزهقانة.. بس حسوا بالفرق، وشاافوا المعاملة الطيبة من رجالتنا بتوع حرس الحدود بعد ما الدولة فتحت المعبر وشافت وزارة الهجرة بتكلمهم على تليفوناتهم وترجع تطمن اهاليهم”.
وأضافت مكرم: “وشافوا وزارة الصحة اللى جاتلهم.. شافوا مصر معاهم، طب حياكلوا ويشربوا منين لغاية ما تخلص فترة التحليل.. رجل أعمال وطنى مش بس استجاب ووافق على طلبى بتوفير أتوبيسات ونقلهم من المعبر لبيوتهم بس كمان زود من عنده الوجبات.. طب نوصلها ازاى للعيال والمعدية إللى بتنقل الاوتوبيسات بتقفل الساعة ٥… جم بقى حرس الحدود… قالوا مالكوش دعوة حنتصرف.. جابوا مراكب خاصة ولانشات لنقل الوجبات”.
واختتمت مكرم منشورها: “رسايل الامهات اللى بتدعلينا هى أجرة كل واحد فينا اشتغل فى اليومين دول..والنهاردة يوم الجمعة كله لسة شغال علشان بتوفيق ربنا كلهم حيرجعوا بيوتهم.. كل واحد فينا عارف شغله وشغل وزميله.. علشان كده النجاح بيبقى للكل..حمدلله على السلامة”.
—————————————-
إذا نال الخبر إعجابكم فشاركة مع اصدقائك لتعم الفائدة ولكى تدعمنا لنستمر
اذا كان لديكم مقترح اتركه لنا فى تعليق
مصدر الخبر
