يلا خبر | بالفيديو| تامر أمين يهاجم منتقدي وزيرة الهجرة بسبب السجاجيد الزرقاء “لساني مفيش أطول منه”

انتقد الإعلامي تامر أمين، الهجوم الذي تعرضت له السفيرة نبيلة مكرم وزيرة الدولة للهجرة وشئون المصريين فى الخارج، بسبب السجاجيد الزرقاء التي تم وضعها على كوبري في إحد قرى فى محافظة الغربية، أثناء زيارتها للقرية، وذلك عبر مواقع التواصل الاجتماعي.

فعلق أمين خلال حلقة الأمس من برنامج “أخر النهار” المذاع على قناة النهار الفضائية قائلا “جولة وزير الهجرة السفيرة نبيلة مكرم في محافظة الغربية بالأمس، زارت أربع قرى في المحافظة، هدفها من الزيارة لأن القرى هي التي يخرج منها الشباب في هجرة غير شرعية، في مراكب الموت، فقالت تعالو نروح نحل المشكلة من جذورها”.

وتابع تامر أمين قائلا “الست وهي ماشية مع المسؤولين أهل إحدى القرى، من فرحتهم فرشوا سجاجيد، الوزيرة تمر على ترعة صغيرة، فالناس حطوا لها سجاجيد على المعدية، عشان تبقى شكلا حلوة، وأكثر أمانًا، مخلصناش من إمبارح الصبح، السوشيال كله مقلوب تريقة وهجوم، وأدي المسؤولينن وأدي الفساد، وأنا الحقيقة مش فاهم، هي فين مشكلتكم، مشكلتكم إن اتفرش سجاد، هي دي الزاوية اللي بصيتوا عليها في القصة كلها”.

وأضاف أمين “مفيش أهيف من كده، أتصدرتوا في التافهه، وسيبتوا المهمة، المهم إن الست الوزيرة سابت مكتبها ونزلت تلف في القرى وتشوف المشاكل، مش ده اللي إحنا بنادي بيه من عشرات السنين، إن المسؤلين يتحركوا من على مكاتبهم، يوم ما حد من المسؤولين يعمله، يتاكل نقد”.

وأردف “أنا مش بطبل للحكومة، أنا مليش مصحلة مع الوزيرة، أنا لساني مفيش أطول منه، ولما حد بيغلط بيبقى نقدي لاذع، لما يكون في غلط بجد يبقى نتقد، منهاجمش اللي بينزل ويشوف شغله، انتقدوا رؤساء الأحياء اللي مبينزلوش يلفوا في شوارع الحي بتاعه”.

وواصل أمين “فين المشكلة، دي سيدة يعني لابسه شوز بكعب، واحترام الضيف واجب، أهل القرية من كتر ما فرحوا إن في حد عبرهم، عملوا كده”.

شاهد الفيديو…