يلا خبر | بالفيديو| انفعال دعاء فاروق على الهواء بسبب التنمر من ولادها: محدش ينطق كلمة

انفعلت الإعلامية دعاء فاروق على مستخدمي السوشيال ميديا الذين انتقدوا صورها مع أولادها، وذلك خلال مداخلة هاتفية مع الإعلامي عمرو أديب ، ببرنامج الحكاية، المذاع على قناة “أم بي سي مصر” الفضائية.

فعلقت فاروق قائلة “أنا بتصور مع بنتي عادي، أنا مش هخبي ولادي، ولادي معايا في كل المناسبات، من حقي ومن حقهم عليا إنهم يتصورا مع أمهم، أفرح بيهم ويفرحوا بيا، ونسجل الذكريات عادي”.

وأضافت “بعض الناس بيدخل ينتقد بشدة إن بنتي مش محجبة، بنتي لسه تامة 15 سنة، عيب يتكلموا على لبسها بالشكل ده، ولا أي حاجة لطيفة ومحترمة وكيوت ومتربية، وفي الأخر اللي تلبسوا ملكوش دعوة بيه، اتكلموا عليا، أنا مجازًا يعني عشان أنا مذيعة، ممنوع حد ينطق كلمة، ولا يقولوي شكلها، ولا شعر ابنك”.

وأردفت “إلى جانب شرعًا بقى، إنت متدخلش ما لا يعينكن من حسن غسلام المرء تركه ما لا يعنيه، كلام مرفوض رفض بات، الولاد بيضايقوا، وأنا بين نارين، والناس بتدخل تهاجم بشدة، لو جارتك خبطت عليك وقالتلك عيب اللي انت لابساه هتاكليها، م شمعنى إن أنا شخصية عامة أبقى مشاع”.