يلا خبر | “دا فيروس مالوش علاج”شريف مدكور يخرج لايف ويصدم محبيه باصابته بمرض مناعي ويحذر مرضى الكانسر

تدهورت الحالة الصحية للإعلامي شريف مدكور، والذي أصيب بمرض سرطان القولون وكان يعالج منه ويتابع تطورات الحالة مع الأطباء، ولكنه في الفترة الأخيرة اختفى عن الساحة الاعلامية ولم يعد يقدم برنامجه المعتاد، حتى خرج في اليومين الماضيين ليرد على تساؤلات محبيه ومتابعينه على مواقع التواصل الاجتماعي ليخرج بفيديو لايف على حسابه الشخصي “الفيس بوك”، ليعلن المفاجأة التي أذهلت محبيه وهي اصابته بمرض مناعي في الدم.

حيث قال مدكور:

 “أي مريض كانسر، يخضع للعلاج الكيماوي، مناعته بتقل، والفترة الأخيرة، تجاهلت الإرشادات الطبية، وكابرت وعافرت ونزلت الشغل، وسوقت العربية، وكنت بسلم على أي حد بأقابله، وجالي فيروس في الدم”.

وأضاف:

“لا أتذكر اسم الفيروس، هو مالوش علاج للأسف، لازم الجسم هو اللي يطرده، ونسبته عندي 900، في الوقت اللي بتوصل فيه عند باقي الناس من 150 إلى 200، بقالي شهر وأسبوع مصاب بيه، وحرارتي وصلت لـ39.5، الجسم عندي بيحاول يتخلص منه، لكن عندي أنيميا، والمناعة قليلة بسبب العلاج الكيماوي”.

وتابع قائلا:

“الحرارة الحمد لله قلت عندي، وإمبارح كتبت بوست إني كنت في المستشفى، ونقلت دم، عشان الجسم يقوى، ويطرد الفيروس، أنا اللي أهملت، وعافرت في الشغل، مش عايز حد يقلق، أو يخاف من مرض الكانسر، أنا اللي قصرت في حق نفسي”.

واختتم حديثه قائلا:

“أنا عامل الفيديو ده مخصوص لكل مرضى الكانسر، متقلقوش، الحمد لله، خلوا بالكوا على نفسكوا، ابعدوا عن الناس، بلاش السلامات والأحضان والبوس، عشان المناعة، أنا بس كنت بأخاف إن الأطفال يزعلوا لو مسلمتش عليهم، الفترة الجاية مش هأقدر أسلم على حد، هاضطر أحط كمامة، الحمد لله، أنا بخير، وربنا يشفي كل مريض إن شاء الله”.

بالفيديو شريف مدكور يعلن اصابته بمرض مناعي في الدم