يلا خبر | مفيش مانع من شوية ترهيب لمنع التهرب من دفع ثمن تذكرة القطار

أكد كامل الوزير، وزير النقل، أن هناك اجراءات رادعة ضد من يحاول التهرب من دفع ثمن تذكرة القطار، وذلك خلال لقائه مع الإعلامي أحمد موسى ببرنامج “على مسئوليتي”.

فعلق الوزير قائلا “إمتى نوصل لإن الناس اللي هتركب القطر تدفع التذكرة، مش هنقول بالإكراه، إحنا الأول بنرغب الناس في الأمر، بنقولهم إن التذكرة اللي أنت هتدفعها دي هي اللي هتجيب لك القطر الجديد ده، والمحطة النضيفة دي، وهي اللي هتجيب الجولف كار لكبار السن، وهي اللي هتأمن المحطة من أخطار الحريق”.

وأردف الوزير قائلا “بنحاول بالإقناع، الناس بتبقى ماشية في ميدان التحرير بتشرب سيجارة، أول ما تبقى داخلة على المترو بيرميها لأنه عارفه إنه هيدفع غرامة لو شربها في المترو”.

وأضاف الوزير “مع الإقناع محتاجين شوية ترهيب عشان ننضبط، ونغير حياتنا، في إجراءات رادعة بتتعمل وهتتعمل أكثر، في كمسرية دلوقتي واقفين على باب المحطة متقدرش تخس إلا إذا كان معاك تذكرة، لو بتقول التذاكر زحمة، أنا عملت لك شبابيك زيادة وأكشاك زيادة، وخليتك تحجز التذكرة من على المحمول، ومن أقرب مكتب بريد، بوجد لك كل وسائل الترغيب، ولكن بعد كده هنجيب بوابات إلكترونية للتذاكر زي للي في المترو”.