يلا خبر | مي عزالدين: صعب ارضاء كل الأذواق.. مبسوطة أن الأطفال حبوا سكسكة

أعربت الفنانة مي عز الدين، عن سعادتها بردود فعل الجمهور عن مسلسلها الجديد “البرنسيسة بيسة”، وذلك عبر حسابها الرسمي على موقع تبادل الصور والفيديوهات الشهير “انستجرام”.

وكتبت مي عبر حسابها قائلة :”سعيدة بردود الأفعال الإيجابية، والسلبية على فكرة، لأن الاختلاف على شيء فحد ذاته نجاح يبين أنك معملتش حاجة معتادة ولا استسهلت وعملت حاجة عادية علشان تبقى في الأمان، ولا مرت مرور الكرام بدون ما حد يعلق عليها”.

وتابعت: “19 سنة تمثيل لما مرة حاجة بنقدمها يختلف عليها الآراء والكل ميستوعبهاش ده إنجاز

صعب جدًا، لأن صعب إرضاء كل الأذواق 19 سنة كاملين”

وأضافت :”مبسوطة بالناس اللي بتحب الشخصيتين وأخدوا عليهم مع الفرجة كذا يوم وبقو حاسين ان دي طريقة بيسة ودي طريقة سكسكة وحاسين بالمجهود اللي ابتذل فيهم، وسعيدة بالأطفال اللي بتحب سكسكة علشان كنت خايفة يخافوا منها علشان كدة خليت ادائها عكس شكلها وصوتها كوميدي مش تخين”.

وأشارت :”سعيدة بالناس اللي مركزة ان المسلسل كوميدي بس بيقول رسائل كتير تخص

غلاء المدارس والخوف من فقدان الطفل هويته العربية وإنتماءة لبلد وغلاء اسعار اتوبيسات المدارس والأرقام الفلكية اللي بتتصرف لمجرد أداء إمتحان القبول في المدارس الغالية وغيره”.

وتابعت :”مبسوطة بالناس اللي بتحب الشخصيتين وأخدوا عليهم مع الفرجة، وسعيدة بالناس اللي حابين مي أكتر في الأعمال الرومانسية وأوعدهم نعوضها في العمل اللي بعده بأذن الله”.

وأختتمت حديثها قائلة :”أنا لسه مخلصة تصوير من يومين.. وتعبانة فوق الوصف عن اي مرة علشان كدة مش قادرة أفتح الإنستجرام كتير وبالنسبة للكومنتات فيه في النص وسط الناس الطبيعية حاجة غريبة كدة من اكونتات مش سليمة ومش بتاعت ناس حقيقية فاهكون بفتح الكومنتات ساعات واقفلها زي ما بعمل في الأجازة كتير “.